2015 jylǵy 31 naýryz, Astana qalasy
Azamattyq jáne qyzmettik qarý men onyń patrondarynyń memlekettik kadastryn ázirleý, basyp shyǵarý jáne júrgizý jónindegi qaǵıdalaryn bekitý týraly
«Jekelegen qarý túrleriniń aınalymyna memlekettik baqylaý jasaý týraly» Qazaqstan Respýblıkasy Zańynyń 29-baby 1-tarmaǵynyń 8-4) tarmaqshasyna sáıkes buıyramyn:
1. Qosa berilip otyrǵan Azamattyq jáne qyzmettik qarý men onyń patrondaryna memlekettik kadastrdy ázirleý, basyp shyǵarý jáne júrgizý jónindegi qaǵıdalar bekitilsin.
2. Qazaqstan Respýblıkasy Ishki ister mınıstrliginiń Ákimshilik polısııa komıteti:
1) osy buıryqty Qazaqstan Respýblıkasy Ádilet mınıstrliginde memlekettik tirkeýdi;
2) osy buıryqty memlekettik tirkelgennen keıin kúntizbelik on kún ishinde ony merzimdi baspa basylymdarynda resmı jarııalaýǵa joldaýdy;
3) osy buıryqty Qazaqstan Respýblıkasy Ishki ister mınıstrliginiń ınternet-resýrsynda jarııalaýdy qamtamasyz etsin.
3. Oblystardyń, Astana jáne Almaty qalalarynyń ishki ister departamentteriniń bastyqtary osy buıryqty tıisti qyzmetter qyzmetkerleriniń zerdeleýin uıymdastyrsyn.
4. Osy buıryqtyń oryndalýyn baqylaý Qazaqstan Respýblıkasy Ishki ister mınıstriniń orynbasary polısııa general-maıory E.Z. Týrgýmbaevqa jáne Qazaqstan Respýblıkasy Ishki ister mınıstrligi Ákimshilik polısııa komıtetine (I.V. Lepeha) júktelsin.
5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr polısııa general-leıtenanty Q. QASYMOV
«KELISILDI»
Qazaqstan Respýblıkasynyń Ulttyq ekonomıka
mınıstri ________________E. Dosaev
2015 jylǵy «___» ___________
«KELISILDI»
Qazaqstan Respýblıkasynyń Investısııalar jáne
damý mınıstri _________________Á. Isekeshev
2015 jylǵy «___» ___________
Qazaqstan Respýblıkasy Ishki ister mınıstriniń 2015 jylǵy 31 naýryzdaǵy № 283 buıryǵymen bekitilgen
Azamattyq jáne qyzmettik qarý men onyń patrondaryna memlekettik kadastrdy ázirleý,
basyp shyǵarý jáne júrgizý qaǵıdalary
1. Jalpy erejeler
1. Osy Azamattyq jáne qyzmettik qarý men onyń patrondaryna memlekettik kadastrdy ázirleý, basyp shyǵarý jáne júrgizý qaǵıdalary (budan ári – Qaǵıdalar) «Jekelegen qarý túrleriniń aınalymyna memlekettik baqylaý jasaý týraly» Qazaqstan Respýblıkasynyń Zańyna sáıkes azamattyq jáne qyzmettik qarý men onyń patrondarynyń memlekettik kadastryn (budan ári – Kadastr) ázirleý, júrgizý, basyp shyǵarý, tártibin belgileıdi.
2. Kadastrǵa júzi bar jáne laqtyratyn sýyq qarýlar, mehanıkalyq tozańdatqyshtar, densaýlyq saqtaý salasyndaǵy ýákiletti organ qoldanýǵa ruqsat bergen kózden jas aǵyzatyn nemese titirkendirgish zattarmen jaraqtalǵan aerozoldy jáne basqa da qurylǵylar, sondaı-aq Qazaqstan Respýblıkasynyń aýmaǵynda jasalatyn, Qazaqstan Respýblıkasynyń aýmaǵyna ákelinetin nemese shetelge áketiletin qarýlardyń sırek danalary týraly málimetterden basqa, sáıkestigi mendetti túrde rastalǵan ótken azamattyq jáne qyzmettik qarý men onyń patrondary týraly barlyq málimetter engizýge jatady.
2. Kadastrdy ázirleý tártibi
3. Kadastr mynadaı bólimderden turady:
1) otandyq óndiristiń azamattyq qarýy men onyń patrondary;
2) sheteldik óndiristiń azamattyq qarýy men onyń patrondary;
3) qyzmettik qarý men onyń patrondary;
4) tek eksporttaý úshin jasalǵan qarý men onyń patrondary;
5) qarý óndirý kezinde tehnologııalyq maqsattarda paıdalanýǵa arnalǵan synaqtyq, úlgilik jáne basqa da patrondar.
4. Kadastrǵa qarý men patrondar týraly mynadaı málimetter engiziledi:
1) otandyq óndiris shyǵarǵan:
qarý men paıdalanylatyn patrondar modeliniń (patrondar úlgisiniń) ataýy men belgilenýi;
qarý men patrondardyń negizgi tehnıkalyq kórsetkishteri;
ázirleýshi men jasap shyǵarýshynyń ataýy;
ol boıynsha qarýlar (patrondar) jasalatyn (synalatyn) normatıvtik qujattyń belgilenýi men ataýy;
synaq júrgizgen uıym (zerthana);
úlgisiniń túrli-tústi fotosýreti;
2) sheteldik óndiris shyǵarǵan:
qarý men paıdalanylatyn patrondar modeliniń (patrondar úlgisiniń) ataýy men belgilenýi;
qarý men patrondardyń negizgi tehnıkalyq kórsetkishteri;
qarý men patrondardy jasap shyǵarýshy eldiń jáne fırmanyń ataýy;
túrli-tústi fotosýreti;
sáıkestigi rastalǵan synaq júrgizgen organ (zerthana) (ol Qazaqstan Respýblıkasynda júrgizilgen bolsa).
Sheteldik óndiristen shyqqan qarý men patrondar týraly qosymsha málimetter retinde qarýdyń jasalý nusqalary, tańbalanýy, satýshy-fırma, tehnıkalyq sıpattamasy engizilýi múmkin.
5. Kadastrǵa engiziletin qarý men patrondardyń negizgi tehnıkalyq kórsetkishteriniń nomenklatýrasy qarýdyń osy túrine arnalǵan normatıvtik qujattarmen aıqyndalady. Otandyq qarýdyń ár modeline tirkeý nómiri beriledi.
6. Azamattyq jáne qyzmettik qarý men onyń patrondary týraly málimetterdi Kadastrǵa engizý olardyn sáıkestigin mindetti túrde rastaý nátıjeleri negizinde júrgiziledi.
Sáıkestigin mindetti túrde rastaýǵa Qazaqstan Respýblıkasynyń aýmaǵynda jasalatyn, Qazaqstan Respýblıkasynyń aýmaǵyna ákelinetin jáne Qazaqstan Respýblıkasynan áketiletin azamattyq jáne qyzmettik qarý men onyń patrondarynyń barlyq modeli jatady.
7. Qarýdyń jáne onyń patrondarynyń tehnıkalyq talaptary men synaý ádisteri tehnıkalyq retteý salasyndaǵy qoldanystaǵy normatıvtik qujattarmen aıqyndalady.
8. Ákelinetin qarý men onyń patrondaryna memlekettik jáne orys tilderindegi aqparat ilese júredi.
9. О́tinish ıesi málimetterdiń sáıkestigin rastaý jónindegi organǵa osy Qaǵıdalardyń 5-tarmaǵynda kórsetilgen málimetterdi, sondaı-aq usynylatyn qarýdyń (patrondardyń) belgilengen talaptarǵa sáıkestigin rastaıtyn qujattardy (qarýdyń nemese patrondardyń jınaý syzbasyn, qarýdyń nemese patrondardyń pasportyn) usynady.
Sertıfıkattyq synaqtardy júrgizý úshin qarýdyń nemese patrondardyń úlgileri usynylady.
10. Sertıfıkattyq synaqtardyń, usynylǵan málimetterdi, qujattardy jáne qarýdyń nemese patrondardyń úlgilerin tekserý nátıjeleri negizinde sáıkestigin rastaý jónindegi organ buıymdardy azamattyq jáne (nemese) qyzmettik qarýǵa nemese patrondarǵa ne konstrýksııasy jaǵynan qarýǵa uqsas buıymdarǵa jatqyzý týraly sheshim qabyldaıdy jáne ótinish ıesine Qazaqstan Respýblıkasynyń tehnıkalyq retteý salasyndaǵy zańnamada belgilegen nysan boıynsha sáıkestik sertıfıkatyn beredi.
Sáıkestik sertıfıkaty qarý men onyń patrondarynyń Qazaqstan Respýblıkasynyń aýmaǵyndaǵy aınalymy úshin negiz bolyp tabylady.
11. Sáıkestigin rastaý jónindegi organ qarý modeline (patrondardyń úlgilerine) eki danadaǵy isti quraıdy jáne onyń bir danasyn Qazaqstan Respýblıkasy Ishki ister mınıstrliginiń Ákimshilik polısııa komıtetine (budan ári - Qazaqstan Respýblıkasy IIM ÁPK) usynady.
12. Qarýdyń árbir modeline (patronnyń úlgisine) osy Qaǵıdalardyń 2, 3, 5, 6, 7 jáne 10-tarmaqtaryna sáıkes qalyptastyrylatyn jáne Qazaqstan Respýblıkasy IIM ÁPK-niń tóraǵasy bekitetin azamattyq jáne qyzmettik qarý men onyń patrondary modelderiniń tizbesi (budan ári - tizbe) negizinde Kadastrdyń tirkeý nómirin beredi.
3. Kadastrdy basyp shyǵarý jáne júrgizý tártibi
13. Kadastr Qazaqstan Respýblıkasy Ishki ister mınıstrliginiń resmı ınternet-resýrsynda shyǵarylady.
14. Kadastrdy tizbeniń negizinde qaǵaz jáne elektrondyq tasymaldaǵyshta Qazaqstan Respýblıkasy IIM ÁPK júrgizedi. Kadastrǵa ózgeristerdi tizbe bekitilgennen keıin úsh aı ishinde Qazaqstan Respýblıkasy IIM ÁPK engizedi.
15. Kadastrdyń túpnusqasy, oǵan engizilgen ózgerister men tolyqtyrýlar, sondaı-aq qarýdyń modelderin (patrondardyń úlgilerin) Kadastrǵa engizý týraly qujattar Qazaqstan Respýblıkasy IIM ÁPK saqtalady.
Buıryq Qazaqstan Respýblıkasynyń Ádilet mınıstrliginde 2015 jylǵy 14 mamyrda Normatıvtik quqyqtyq kesimderdi memlekettik tirkeýdiń tizilimine №11045 bolyp engizildi.